子宮下垂係一種常見嘅婦科問題，特別係生過BB或者更年期後嘅女士比較容易出現。早期發現同治療可以有效防止情況惡化，所以認識初期症狀好重要。

當子宮開始下垂時，最明顯嘅感覺係下腹有種沉重感或者壓力。好多患者會形容好似有野向下拉咁，尤其係企得耐或者做粗重工作之後，呢種感覺會更加明顯。呢種不適通常喺瞓低休息後會減輕，但企起身又會出現返。

另一個常見嘅初期症狀係排尿問題。你可能會覺得小便去唔清，或者好急但又要等一陣先屙到。有啲人仲會發現自己好容易漏尿，特別係咳、打乞嚏或者大笑嘅時候。如果呢D情況開始影響你嘅日常生活，就應該盡快睇醫生。

行路或者運動時，陰道可能會有異物感，好似有野頂住咁。初期可能只係輕微唔舒服，但隨住時間會愈來愈明顯。有D女士仲會覺得性交時有D痛或者唔舒服。

如果你發現自己有以下任何症狀，建議去專業婦科醫生度檢查：
– 下腹持續有墜脹感
– 排尿困難或漏尿情況增加
– 陰道有異物感
– 腰背痛而原因不明

深圳博愛曙光醫院婦科醫生提醒，早期治療可以選擇保守方法，例如盆底肌訓練或者使用子宮託，唔使一開始就考慮手術。定期婦科檢查同及時就醫，對預防同治療子宮下垂好重要。

深圳博愛曙光醫院-深圳老字號 · 大型綜合醫院，開設港澳國際門診，提供粵語陪診，免費接車等特色港式服務。
地址：深圳市羅湖區寶安北路2088號（萬象食家旁）